Lamian nga Ice Cream ug Fresh Milk sa Molave Milk Station


Daghan na usab ang magpangita og lamian ug mabugnaw nga pagkaon karong summer. Tuod man, sure gyud ko nga mahimo gyud ning usa sa mga staple food sa atong mga jumega. Kabantay gyud ko nga dali ra gyud kaayo ta mapungot ilabi na kung dili gyud ko komportable sa akong palibot. Mura og lami sad gyud hinuon isumbag sa mga tawo nga puro lang kasakit ang gidala sa akoa. Pak! Nakahugot nalang gyud ko ani og ahat kay pwerte naman lang gyung inita samtang ako nagsuwat! Wew! Lami na man lang gyud kaayo ihukas!

Sa southwestern part sa Sugbo nagtago, nagpasiplat-siplat, ug nagpasuya ang Molave Milk Station sa lungsod sa Barili sa ilang lamian kaayo nga mga ice cream, fresh milk, ug uban pang mga pagkaon. Kung sige naman lang gyud gani ta og biyahe padung sa habagatang bahin sa Sugbo, pirmi naman lang gyud ni natong masugatan. Aside sa ilang mga pagkaon, inila sad ang Molave Milk Station tungod ambience nga mura ka og naa sa usa ka hacienda. Ang mga kahoy gyud ang usa sa mga rason nga makadali gyud sila og mga tawo.


Gikan sa dakbayan sa Sugbo, mamahimo gyud ka nga manukad sa Cebu South Bus Terminal (CSBT) ug musakay og dako nga bus sama sa Ceres o sa mga minibus sama sa Allan ug Chan. Atbang sa maong terminal usab nahimutang ang terminal sa Librando Bus Transit, usa sa atong mga options kung dili ta ganahan pang mulinya sa CSBT. Halos Php 70 ang ilang pliti sa ilang regular nga bus maong payts ra gyud kaayo ang atong laag padulong didto!

Kung ganahan sad ta og mas komportable sa bus, naa sa’y mga van nga manukad sa Barangay Kamagayan nga pwede natong masakyan. Mas mahal lang gyud ni. Ang pliti kung weekdays kay Php 100, apan kung weekend kay muabot kini og as much as Php 150. Sakit kaayo sa?

Sige nalang. Padayon nalang ta sa biyahe kay in-ana man gyud na ang kinabuhi.Kinahanglan nalang tang maanad, apan kung kabantay nata nga sobra na, pwede ra gyud nato silang isumbong sa LTFRB. Charot!

Depende sa traffic ug sa driver (yes, apil gyud na sila sa factors), ang biyahe padulong didto kay usa hangtod sa duha ka oras, apan worth it ra gyud kaayo ang biyahe tungod sa mga sceneries nga atong maagian.

Inig abot nato didto, mao ni ang atong makit-an. Wow! Charot kaayo jumega, sa?




Sa kadaghan og pwede namong paliton didto, among gi-prioritize og palit ang ilang best-sellers nga soft serve ice cream, and cow and goat fresh milks.





Sayang lang gyud kaayo kay ang among naabtan ube ra man intawon ang ilang flavor. Tsk lang gyud kaayo. Usahay man gud kay up to three flavors man ang mahimo natong matilawan. Dili ra ba gyud ko fan sa ube personally, apan sige nalang, I gave it a try. Wala ra man sad gud mawala jumega!



Wala sad ko magdahum ha nga lami ang ilang ube nga ice cream. Ila kining i-serve sa apa, but  tungod kay arte man mi sa akong kuyog, amo gyung gi-cup ang maong ice cream. For Php 35 makaingon gyud ka nga worth it ra gyud kaayo ang imong bayad. Charot!

Sakto ra man sad gyud hinuon ang balanse sa katam-is. Naa man gu’y uban nga mga ice cream nga inig human nato og kaon kay naa ba’y after after taste o musakit dayon ang atong tuntunlan. Tungod kay fresh from the farm man gyud ang ingredients ning maong ice cream, makasiguro gyud ka lami ug healthy gyud siya!




Sunod dayon namong gipalit kay ang cow and goat fresh milk. Para nako, mas strong gyud kaayo ang taste sa goat fresh milk kumpara sa cow’s milk. Makasiguro gyud ta nga wala gyud nagdugay sa shelf ang mga gatas nga sige man sila og ilis taga-adlaw kumpara sa atong mapalit nga naa sa dagko nga mga supermarkets. Mahuwasan gyud ka sa kakapoy ug sa kainit karong summer for just Php 50.




Tuod man, mas mahal gyud sila kumpara sa naa sa merkado, but ang nakanindot man gud nila kay makasiguro gyud ta nga presko ang ilang mga ingredients. Ang ila usab shelf life kay mas mubo kumpara sa naa sa merkado tungod kay pangitaan man nila og paagi nga mahurot ang maong mga produkto in just a few days. Ikumpara nato sa naa sa supermarkets, dugay kaayo ang expiry date. Nakadungog sad ko nga wala sila’y preservatives nga gigamit, so alam na sa atong mga jumega nga sobra ka health conscious!

Nakaingon man sad ko ganina nga nindot kaayo ang ambience sa maong lugar, mao nga wala gyud mi gaduha-duha sa pag-photoshoot! Wew!



Mao na kung manglaag ta kauban ang atong mga classmates niya padulong ta sa mabugnaw nga mga dagat sa habagatang bahin sa Sugbo, pwede ra gyud kaayo ta muhapit sa Molave Milk Station!

Abli sila matag adlaw 9 sa buntag hangtod alas 7 sa gabii. Kitakits didto mga jumega!

(Photo credits lang sa akong jumega nga si Patricia Bayno. Nindot kaayo ang photoshoot ug ang mga food photos! I love you dzae!)

You Might Also Like

9 comments

  1. Jumega Mauricio! Puede naka endorser sa goat's milk! Hahahaha! Nice kaayo ang picture. Dugay na gyud ko ganahan muanhi ay. Bantay lang ni siya this week! Hahahaha!

    ReplyDelete
  2. Wa pa gyud ko kaara ai!
    Na kuryoso ko kung unsa gyuy kalahi-an sa lami sa ilang ice cream diha.

    ReplyDelete
  3. Lamiiii ang ilang ice cream diri, lahi rag timpla sa mga ice cream nga naa sa supermarket kay tungod fresh jud ang pagka prepare. Nakasuway sad ko sa ilang silvanas. Kalimot ko kung tagpila to basta daghan sad ug sulod, nya lamiiiii pud.

    ReplyDelete
  4. muhapit diri if muanha ko dihang dapita. https://buyincebu.blogspot.com/2012/02/molave-milk-station.html

    Lami-an gyud ko sa ilang mga dalit.

    ReplyDelete
  5. Grabeha bisag gatas gi-blog man. Hahaha

    Bitaw, nindut jud ning naay lokal na gatas kay makapuol usahay ang gatas nga naas mga supermarket.

    ReplyDelete
  6. Hala model na akong amego! <3 I like ice cream everyday bahalag rainy day or winter day, ice cream all the way!

    ReplyDelete
  7. My friends and I went here and we order a bunch of their icecreams and I should say they're definitely delicious jud!

    ReplyDelete
  8. Waaaaah! I LOVE THEIR ICE CREAM jd!!!! Dili jd kompleto ang pagbisita sa Southwest dapit if dili kaagi sa MOLAVE ♥♥♥

    ReplyDelete
  9. Dira ko gikan bag-ohay lang. Lami kaayo ang ice cream! <3

    ReplyDelete

HIT LIKE!