Kaon ta sa Wheels Bar and Grill!


Sa panahon karon, daghan na gyud kaayong nagsulputan nga mga barbeque stalls dinhi sa Sugbo. Mapa-asa man gani ka mulingi, dili gyud siguro ta magutman ilabi na kung ang atong tiyan nangita og lamian kaayo nga barbeque. Tuod man, aside sa lechon, ilhado usab ang Sugbo sa atong lamian nga mga barbeque. Mapa-chorizo man kini o typical nga all-time favorite pork barbeque, pangitaon gyud kini dili lang natong Sugbuanon apan lakip na usab sa mga dumadayo. Charot kaayo jumega sa? Maka-proud kaayo!


Usa sa mga restaurant nga nagluto sa lamian nga mga barbeque dinhi sa Sugbo mao ang Wheels Bar and Grill. Nahimutang sa 168 Don Mariano Cui St ning atong dakbayan, ilhado sila tungod sa ilang Slogos Night.





Usa usab sa mga rason nga balik-balikan sila sa ilang loyal customers mao ang ilang ambience. Makapamati gyud ka nga winner gyud ka tungod sa mga nagkadaiyang mga sports posters nga pilit sa ilang mga bungbong. Eye-catching gyud tuod ang ilang structure sa ilang lugar tungod sa industrial appeal niini. Daghan-daghan sad gyud hinuon silang gibutang nga mga ligid sa monster trucks didto. Kung mahiligon ka og sakyanan, payts kaayo ni nga lugar!






Ipa-feel gyud nila sa imo nga ikaw ang champion sa ilang business tungod sa trophy nga naa sa ilang lamesa. Liman ka ana. Naghulat ra gani ka sa imong gi-order, naa naka’y trophy? Charot! Hinumdumi lang nga dili kini pwede dad-on kay basin mabusog ka sa ilang restaurant jumega, so prisohan na nuon ka makakaon og panihapon!


Tuod man kay layo-layo sad hinuon sila sa main road sa dakbayan, kinahanglan gyud ka magdala og sakyanan aron maabot ka didto. Dili lang gyud ta maguol kay we got them covered kaayo! Dako gyud kaayo og space ang ilang parking area, so if ever daghan-daghan gyud mo sa imong barkada nga mangaon didto, yeko ra gyud kaayo, jumega! Ang nakanindot pa gyud ani, libre pa gyud ang ilang parking. Plus points kaayo!




And now to judge their food (judge gyud ang term jumega sa), makaingon gyud hinuon ka nga worth it ang ilang pagkaon sa ilang price. Dili gyud ko kalimot sa ilang Sinugba nga Pork Belly. Sakto ra kaayo ang tenderness ug ang timpla. Wala gyud nag-away ang nagkalain-laing mga tipla. Ang ilang pork barbeque, payts sa gyud kaayo ang timpla. Sakto ra gyud kaayo ang pagkapagod sa baboy. Ang sauce usab dili sad kaayo parat. Perfect sa atong jumega nga adunay meticulous palatte.



Ilhado usab ang maong lugar tungod sa ilang lamian nga diverse choice of drinks. Bisan unsa pa ang imong trip nga imnon aron ma-destress ka, naa gyud na sa Wheels Bar and Grill!


Ang dakong pangutana karon, dili ba kaha ni makabuslot sa bulsa? For Php 500, makakaon naka kuyog ang imong crush dinhi. Liman ka ana? Kung niapil pa ta og “Saan Ka Dadalhin ng Php 500 mo?” Challenge, magmadaugon gyud ka kung dinhi nimo siya dad-on. Inig human nato og kaon dinhi, naa pa ta’y baon nga nahabilin for the rest of the week.



Maong unsa pa man ang atong gihulat? Adto nata sa Wheels Bar and Grill! Abli sila Lunes hangtod Domingo 11 AM hangtod 2 AM. Kung naa ta’y pangutana, text o tawag lang sa 0998 793 4098. Kaon niya ta didto jumega!

Comments

  1. kakita ug kalabay naman ko ani nga kan-anan. Interesting bitaw iya theme, pero wa mi maka kaon pa diri. Base sa ila price list murag pare-pareho ra sila ug presyo sa uban nga mga restaurants.

    ReplyDelete
  2. Mga fellow CBC akong kuyog sa pagbisita aning lugara. Nindot sya and medyo catchy gyud iyang interior. In all fairness, lami ilang food especially ang Mixed Seafood Larang. Maka-addict!

    ReplyDelete
  3. Chuy sad silag concept sa ilang resto dah! Mubisita man ta ko diri pero nahadlok kay basin mahal ra ilang food. Pero based sa ilang menu, sakto2x ra man diay. Thank you sa pagpost sa ilang menu!

    ReplyDelete
  4. Nagkuyog ba ta pag-anhi dinhi? Lingaw baya ni nga lugar ai. Lami ilang pagkaon.

    ReplyDelete

Post a Comment

Popular Posts