Hugot Ug Agik-ik Sa A Funny Valentine


Sugod na sad ta og kabasa og mga hugot kabahin sa gugma sa atong Facebook newsfeeds. Bisan unsa naman lang gyud nga mga hugot ang magsige og gawas sa utok sa mga tawo karong panahuna. Mapa-hugot man aron makuha ang attention ni crush hangtod sa mga hugot sa bag-o lang gibuwagan, daghan gyud kaayo na jumega sa mga social networking sites.

Bawlang uroy kung naunsa nata. Sa panahon gani nga unta kita magmalipayon kay tuod lagi panahon kini sa paghigugmaay, naa man gyu’y mga tawo nga masipyat og maapil naman lang gyud sa mga grupo nga sobra naman lang gyud ka-bitter sa Pebrero 14. Mura og pareho naman lang ang value sa usa ka adlaw sa usa ka buwan. Naa pa man gani uban nga sige naman lang og post sa iyang social media account nga sugod na ang buwan sa Marso, mura og wala ta niagi sa buwan sa Pebrero. Bahala na sila. Maghuwat na lang ta nga mangreklamo nasad na sila kay dili sila tagaan sa ilang sweldo tungod kay nakabasa ang ilang boss sa ilang kabuang.

Unsa man gayud diay ang naa sa hugot? Usually, maghatag kini kanato og bati nga pamati tungod kay ang pirmi nga ihugot kay tungod man sa kapakyasan sa gugma. Nawad-an ta og uyab? Pwede kaayong i-hugot. Si crush naa’y ka-HHWW didto sa Plaza Independencia? Hugot will relieve the pain. Nahutdan og sud-an sa panihapon? Why not put a little hugot in the situation? Na-slide sa hagdan kay nagsige og tutok ni crush? Dili na hugot atong kinahanglan, jumega. Kinahanglan na natong tawgon si Papa God aron mawala ang kasakit.

Hugot change the way we see love. Ang mga butang sauna nga maglisud ta og pabuhagay kay dali nalang gyud natong mapagawas pinaagi sa hugot. Naa na’y mga pulong nga haum kaayo nga nag-representar sa atong gibati sa usa ka higayon. As long as makahuna-huna ka og simile o metaphor nga pwede nimong magamit sa pagkompara sa imong gibati, ayos na kaayo ta. Naa na ta’y hugot!

Karong buwan sa Pebrero, why not we do something else for a change? Instead nga hugot ang atong pirmi nga isambit (nga usahay gani kay magpasamot na hinuon sa atong bati nga pamati), nganong dili man ta maghugyaw ug mukatawa aron positive vibes lang ang peg? Laughter is the best medicine man gani ana sila. Mangatawa nalang ta aron mas dali tang maka-move on. Dili ta magpalupig ni crush nga wala’y pakialam sa atong pamati. Maayo unta mapaakan siya og buyog aron dili nata magsige og huna-huna sa iyang mala-anghel nga nawong. Char. Hugot pa more!


Kay ganahan man ta mangatawa, mangadto na kita sa Hoops Dome sa Lapu-Lapu o dili ba kaha sa Marco Polo Plaza Hotel sa Dakbayan sa Sugbo karong Pebrero 11 ug 12 ug atong saksihan ang mga sikat nga mga komedyante nga silang Pokwang, Pooh, K. Brosas, ug Chokoleit sa ilang comedy concert nga A Funny Valentine.

Puol naman gud kaayo ang mga buwak, chocolates, teddy bears, ug dinner reservations ning panahon sa gugma. Mangatawa nalang ta, malingaw pa ta! Sa A Funny Valentine, daghan kaayo tang pwede ma-enjoy nga mga witty spoofs. Dili sad mawala ang mga hugot lines (nga siaw kay kapoy na og maoy).

Ticket Prices:

Hoops Dome:
VIP (reserved seating): Php 2200
Gold (reserved seating): Php 1700
Silver: Php 1000
Bronze: Php 800
General Admission: Php 350

Marco Polo Plaza Hotel:
A seat with buffet dinner: Php 300.

Tickets are available at The Retail Company store in Capitol, Cebu; One Events in Eden Place, and in all Rico’s Lechon Cebu branches.


Comments

  1. Ai tomas! Mga banggi-itan nga mga komedyante. Malimtan gyud sa mga single ang ka saklap sa kinabuhing single karung umaabot nga valentines. Hahahaa

    ReplyDelete
  2. Gi invite jud ko ani ay, unya with free tickets pa jud. Pero di ko maka tunga kay katkat ko bukid ig 11 ug 12 huhuhu. Sayang..

    ReplyDelete
  3. Yeheh, salamat sa pag among kanamo. Thankful keu mi hehehe :) :)

    ReplyDelete
  4. Ayyy mao diay ni ako nakit-an sa ako timeline! Sayang, I always like to listen to comedy events raba kay lingaw jud kaayo! Though akong naandan kay mga taga foreign na comedians.

    ReplyDelete
  5. I dont know pero nilang upat, malingaw jud kog maayo ni K Brosas. Sayang lang kaayo wala ko nakabantay ani nga event 😢

    ReplyDelete
  6. I am sure nalingaw mo ani. I gave away my tickets and I know the ones who got it were very happy.

    ReplyDelete
  7. Nalingaw jud ko ani. Thank you kaayo sa pag invite. Hahaha!

    ReplyDelete
  8. Sure ko nalingaw gyud pag ayo ang naka attend ani. Malimtan ang mga problema sa kinabuhi.

    ReplyDelete

Post a Comment

Popular Posts