Magselebrar ta sa National Arts Month 2017 Kuyog Ang UPSTAGE



Niadtong Disyembre sa miaging tuig, nasaksihan nato ang kabag-uhan sa movie industry. Dili na lamang puro mga salida nga gi-produce sa mga mainstream film productions ang naapil sa prestihiyoso nga Metro Manila Film Festival (MMFF). Ang nahitabo naman gani hinuon, puro na nga independent filmmakers ang naghari sa maong festival. Usa ra sa walo ka mga entries ang gikan sa dako nga production company. Matod pa gani sa uban, ang MMFF 2016 mao ang renaissance sa film industry.

Kinsa man sad ang makalimot sa kanta nilang Datu, Han Han, ug Hataw nga World Gong Crazy nga mihatag og bag-ong perspektibo natong tigpaminaw og musika? Halos puro naman lang gani mga pop ug ballad ang atong madunggan sa mga radyo ug makita sa telebisyon. Imbes nga typical nga mga musical instruments sama sa gitara o drums ang gigamit sa pagpagawas og musika, ang sinauna nga gong sa atong mga kauban nga lumad ang maoy naghatag og kinabuhi ning maong kanta. Giguba ning maong kanta ang notion nga ang paggamit sa mga instrumentong ato gyud kay baduy ug luod. Lahi ra man gyud ang ritmo ning maong kanta!

Bawlang og ngano nga sa karon nga henerasyon, daw wala na man kaayo’y magsunod sa kulturang Pilipino. Magsige na lamang kita og tan-aw og salida nga gikan sa gawas. Ang mga musika nga atong gipaminaw, ang lyrics dili naman lang gyud masabtan. Kung dili magsige og balik-balik, lahi sad og lenggwahe. Gamay ra kaayo og tan-aw ang mga tawo sa mga artista karon. Panan-aw gani nila nga exposure makapakaon sa naggutom nga tiyan. Dili na kaayo tagaan og bili ang mga painting, sculpture, ug uban pang forms of art kay, lagi, kinsa man ang madato sa pagbuhat ana?  

Kung ang atong konstitusyon man gani ang atong basehan, nangita gyud kini og paagi aron mabalik ang atong gugma sa sining. Matod pa gani sa Article XIV, Section 15: “Arts and letters shall enjoy the patronage of the State. The State shall conserve, promote, and popularize that nation’s historical and cultural heritage and resources, as well as artistic creations”. Mao na nga nangita gyud og paagi ang hingtungdan nga ma-preserbar, mamaayo, ug mapalambo ang mga disiplina sa teyatro, sayaw, musika, visual arts, arkitektura, katitkan, media arts, ug film.

Mao na nga gideklara sa administrasyon ni Corazon Aquino ang Pebrero isip National Arts Month. Kini tungod kay mao kini ang panahon nga kita magpasigarbuhon isip usa ka Pilipino.



Ang University of the Philippines Students’ Theater Arts Guild For Education (UPSTAGE), ang opisyal nga theater group sa UP Cebu, isip selebrasyon ning maong kalihukan ug pagpakita sa ilang dedikasyon sa kalambuan sa theater arts, maglunsad sa Silab, a festival of unpublished and unstaged plays written and directed by our young and talented UPSTAGE artists. Kini mahitabo karong Pebrero 9, 2017, Huwebes, 4:30 PM ug 7:00 PM sa UP Cebu Performing Arts Hall.



Kini maglangkub sa upat ka 30-minute theater plays.







Kuyugan nato pagselebrar ang UPStage sa National Arts Month! For tickets, pleaase contact 09278905530.


Kining maong pasundayag kay namugna kuyog ang UP Cebu Arts and Culture Office.

You Might Also Like

3 comments

  1. To be honest, this year's play sa UPSTAGE kay mas nindot gyod sa last year. Save the best for last kaayo ang peg!

    ReplyDelete
  2. Support local jud ta. Para mas ma discover ang talento sa local talents. 👍

    ReplyDelete
  3. Sa una ganahan baya kop mag UPSTAGE kay UPSTAGE si crush! This activity could be fun. Support ta mga besh!

    ReplyDelete

HIT LIKE!