Nostalgic Feels sa You're A Good Man, Charlie Brown


Usahay, ganahan naman lang gyud ta nga i-relive ang atong mga kasinatian kaniadtong bata pa ta. Kadto ganing mga panahon nga ang problema ra nga atong atubangon mao ang pagpangita sa imong amiga aron naa ka’y kuyog mubuhat og balay-balay. O dili ba kaha ang paghuman sa assignments sa dili pa magsugod ang mga teleserye nga pirmi naman lang gyud natong huwaton. Pwede pud katong mga panahon nga mukisi-kisi kita sa pagdagan inig human sa klase aron lang maabtan nato ang atong paborito nga cartoons ug anime.

Ang mga characters ning maong mga TV shows mao ang mga dalangpan nato sauna labi na kung kita nagmaoy kay gikasab-an ta ni Mama kay ganahan tang mugawas ug makigduwa ni crush (kumusta na kaha to siya, nu). Mitatak na sila sa atong alimpatakan. Memorized ug sige kita og balik-balik sa OBB ning maong shows. Matod pa gani sa uban, kining maong cartoons ug anime nag-usab sa ilang kinabuhi ug mao ang naggiya kung asa sila karon.

Daghan na usab nga mga characters ang niagi sa ato. Kung anime ang hisgutan, naa silang Son Goku sa Dragon Ball series, Recca sa Flame of Recca, Sakuragi sa Slam Dunk, Ichigo Kurosaki sa Bleach, Eugine sa Ghost Fighter, Yugi Motou sa Yugi-Oh, Ryoma Echizen sa Prince of Tennis, Edogawa Conan sa Detective Conan, Doraemon, Mojacko, ug Hamtaro, Silang Mickey Mouse, Tweety Bird, Scooby Doo, Spongebob, Dora the Explorer, Blue, B1, B2, Dexter, Jimmy Neutron, Danny Phantom, Tom, ug Jerry ang mga cartoon characters nga migitik sa atong imahinasyon.


Usa sa atong labing paborito nga character sauna mao si Charlie Brown sa Peanuts series. Kuyog ang iyang barkada, mura ba og sila ang mao ang nagrepresentar nato sauna. Mao nga dili gyud nato ma-deny nga lisud gyud kaayo silang tangtangon sa atong utok ug kasing-kasing. Char.

Karon, dili nata maglisud og pangita sa mga episodes niini kay pwede na gyud kaayo nato silang tan-awon, LIVE sa usa ka theatrical stage! Tan-aw na ta og You’re A Good Man, Charlie Brown! Asa pa ta ana? Ang atong mga paborito nga character dili lang nato makit-an sa gamay nga TV box. Pwede pa gyud nato silang magakos inig human sa ilang performance (ug basin usa sa mga cast mao ang atong gipangita nga #forever ug #relationshipgoals).




Kini maong pasundayag usa ka 1967 nga musical comedy with music and lyrics nga gimugna ni Clark Gesner, nga base usa sa mga charcters nga gibuhat sa cartoonist nga si Charles M. Schultz sa iyang comic strip nga Peanuts.

Naa nasad ang barkada. Ang bossy nga si Lucy head over heals nasab sa piano prodigy nga si Schroeder nga wala gyu'y paki sa iyaha bisan pa og sige siya og pangayo sa oras. Padayon gihapong manugsog ang perfectionist nga si Sally kang Linus nga dili gyud kabiya sa iyang favorite blanket. Nag-estambay gihapon si Snoopy sa iyang doghouse, ug ang “blockhead” nga si Charlie Brown naa sa iyahang “rare” form.

Tuod man, ang cast niini kay mga hamtong na. Apan, wala kini nagbabag aron ila gyung mahatagan og hustisya ang characters sa Peanuts. Kini tungod kay ang ilang mga dialog kay nagpakita gyud nga mura ba og sila bata. Isn’t it amazing?

Ang You’re A Good Man, Charlie Brown gi-produce sa Vaudeville Theater Company, usa sa mga labing bag-ong musical theatre companies dinhi sa Sugbo. Ang maong grupo naglaum nga mamahimong giya sa mga lokal nga mga artists sa pagpagawas sa ilang artistic expression ug magtudlo sa mga local theater actors unsaon pagmugna og maanindot og world class nga mga productions.




Ang kining maong play ipasundayag sa Cinema 1 sa SM City Cebu karong February 17 to 19, 2017.

Ang oras ug ticket prices mao ang musunod:

Gala:

February 17, 2017 (Biyernes)
February 18, 2017 (Sabado)
7:00 PM
Free Seating: Php 500
Reserved Seating: Php 800

Matinee:

February 18, 2017 (Sabado)
February 19, 2017 (Domingo)
2:00 PM
Free Seating: Php 300
Reserved Seating: Php 500

Palit na kita og tickets sa opisina sa Vaudeville Theater Company anaa nahimutang sa Ground Floor, Tango Plaza Building (atubangan sa Redemptorist Church), Queens Road, Cebu City. Abli sila Lunes hangtod Sabado 10 AM hangtod 7 PM. Alang sa mga Matinee free seating seats, dili na ta kinahanglang mulatyo kay anaa sad ni sila sa Shakey’s Pizza Parlor IT Park, SM City Cebu, Ayala Center Cebu, ug Robinsons Cybergate Galleria Branches.

You’re A Good Man, Charlie Brown is presented to us by Vaudeville Theater Company; co-presented by OURUKU Corporation, Chevrolet, Island Premier Paints, ug West Palawan Premier & Premier Horizon Alliance; sponsored by Asaka Geosolutions Inc. ug Shakey’s Pizza; with the help of A Space Cebu, Heislord, Pacific Traders, Sun.Star Daily, 92.3 Magic, ug Selecta; and special thanks to Fresco, Hesreal, Nonki, Zero Three Two, Colours, J Center Mall, ug Haiper Apps Corporation.


You Might Also Like

13 comments

  1. Ahh kanindot makabalo nga naa gyuy theater company diri sa Cebu. Dugay nako nagpangita gyud. Okay pud ang prices oi!!

    ReplyDelete
  2. D kaayo ko fan aning Charlie Brown but im glad nga naa nay theater company diris Sugbo

    ReplyDelete
  3. Mutan-aw gyud ko ani ba! Fan jud kog ug mga musical. Taud2 na pud ko wala naka tan-aw. Hopefully, makapalit kog ticket puhon. :)

    ReplyDelete
  4. Haha niice! But I didn't grow with Charlie Brow as a child, but my bestfriend back then really likes Snoopy and natakdan ko so yah, I think this is interesting jud! :)

    ReplyDelete
  5. Nice!! I hope supportahan sa mga tawo ug manan-aw dyud. Nindut bya si Charlie Brown. (Pero si Naruto btaw akong childhood hero HAHAHA)

    ReplyDelete
  6. Sayanga dili ka makatan-aw ugma pero nindot kaayo ni! Excited na mi ugma.

    ReplyDelete
  7. Nangita jud ko ani sa video sa Original theatre.. and it looks fun.. but hopefully Bisaya can do it too.. #BeBisaya.

    ReplyDelete
  8. sayang last day na nila but I hope they will decide to have another run. ;)

    ReplyDelete
  9. Gahapon ni sya gipa show and supposed to have a free pass from Rome but unfortunately I got really busy so sayang wala ko maka tan-aw ani.

    ReplyDelete
  10. Hala! Naa man diay koy kaila sa cast! Barista siya sa Starbucks sa una. Hehe. I hope nalingaw ang nagtan-aw ani! :)

    ReplyDelete
  11. Omg. Watched this with fellow bloggers and i really loved it. Amazing kaayo. This was i guess the 2nd theatre show i've watched in my life haha mas na appreciate nako ang theatre shows jud ug samot. ✔✔

    ReplyDelete
  12. Naa gyud tawo nga gihimo ni nga rason nga dili siya mukuyog sa among #KatKatBukid.. haha

    ReplyDelete
  13. How was it Mauricio? It's great to see Bisaya plays after the other being presented in Cebu every now and then, isn't it? :-)

    ReplyDelete

HIT LIKE!