Love Letter Writing sa Panahon sa Social Media


Sa panahon karon, kinahanglan paspas na ang tanan. Sa pag-abot sa internet sa atong kinabuhi, daw ubos na kaayo ta og pasensiya sa pag-atubang sa mga butang-butang. Kinsa man ang dili maburyong ang utok kung dugay maka-reply ang classmate? Siguro, nakabati sad ta og kahasol labi na kung dili mu-load ang web page sa atong paborito nga site. Labaw sa tanan, dili ba lami kaayo ilabay ang cellphone kung makakita naka sa nagtuyok nga loading sign sa Youtube.

Mao na nga dili gyud ta makasupak sa atong mga katigulangan kung makaingon sila nga dili gyud ta makahimutang. Imagine, ang atong mga ginikanan nga magbuhat sa ilang college thesis nga kinahanglan pang muadto sa library aron lang makakita sa ilang mga sources. Kadungog naman sad siguro ta sa mga yawyaw sa atong mga apohan nga kung swerte kaayo ta kay kung manawag ta, dali naman lang gyud kaayo. Wala na’y hasol sa pag-connect sa usa ka telephone operator aron lang makawag sila sa ilang hinigugma nga anaa sa layong lugar. Labaw sa tanan, dili na ta kinahanglang maghuwat og dugay nga panahon aron lang madawat sa nato ang suwat nga gipadala sa atong kaila.

Daghang mga kausaban ang nahitabo sa nilabay nga 10 ka tuig. Kung ato pang tubagon ang pangutanan ni Maxine Medina sa bag-o lang natapos nga Miss Universe pageant, dili gyud ta ka-deny nga ang technological advancements nga atong gitamasa karon. Mas sayon, mas paspas, ug mas dali na ang pakigkonekta sa atong mga hinigugma bisan kanus-a ug bisan asa man sila nahimutang sa kalibutan. Apan, tungod sad niini, mura na ba og nawala na ang value sa pakig-esturya. Nahimo naman hinuong quantity over quality. Ang mga pulong nga atong ipangsabit mura naman og wala’y hinungdan; dili naman kaayo lawom ang duot sa atong kasing-kasing. Sakit kaayo pamalandungon nga tungod niining technological advancements, mura og nalimtan naman lang nato ang importasya sa communication. Hahay.

Tuod man kay panahon na usab sa kasing-kasing, daghan nasad kaayong manggawas nga post sa social media nga “nagpabuhagay” sa gugma sa ilang mga hinugugma. Daghan pa kaayo ning mga emojis nga mura ba og si salt bae ang nagmudmod sa maong posts. Mga hulagway sa panahong nagmalipayon dayon ang i-attach aning maong mga posts. Mu-komento dayon ang hinigugma, naningkamot nga pareho, o dili man gani malabwan, ang effort nga gibuhat alang kaniya. Kinsa may dili malingaw magbasa nga jejemon man ang gigamit. kHad@haN bN6 eyTcH 0ist…!!!

Kung dili gani mag-post sa mga social media sites, puro usab mga mga mugbong mga texts ang ipang-send niya. Kutob nalang sa Happy Valentine’s Day, I love you, ug I miss you. Dira naman lang gyud manggawas ang effort kung nakabati nga hapit na buwagan. Sakita naman lang ana uy!

Nawala naman lang gyud ang art sa pagsulat og love letter. Sauna, sugod pa lang gani sa Pebrero mangita na gyud og mga stationary aron special lagi kuno ang iyang sulat. Inig human mao na ang critical nga part. Unsa kaha ang sulod sa letter? Mga lyrics sa kanta? Mga balak nga dili kaayo sikat aron dili makabantay ang hinigugma? Dialogue kaha sa usa ka movie? Kalisud naman lang gyud ani!

Apan kung makakita nata sa kahayag sa nawong sa atong hinigugma kung madawat na ang atong sinulat, nindot ra man gyud sa paminaw. Sa mga gakos ug halok nga iyang mahatag, makaingon naman lang gyud ta og “it’s all worth it.” Ang kakapoy mawala naman lang gyud og kalit inig human niya og dawat sa sulat, labi na kung kahibalo ta nga kining tanan gikan gyud sa atong kasing-kasing.

Tungod niini, ang Marco Polo Plaza Hotel nanghinaut nga mabalik ang hapit na nga mawala nga art sa love letter writing sa atong henerasyon. Karong panahon sa gugma, magsulat na kita og love letter sa atong hinugugma. Dili pa ta ana? Kung ang atoang suwat ang mapilian, pwede kang makadaog og romantic dinner date for two maong prestigious hotel.


Comments

  1. Nice move! Bisan high tech na atong panahon pero wa gihapo'y makalupig sa effort sa pag suwat pamaagi sa sa papel.

    ReplyDelete
  2. Go go go! Daog na ni Marco Polo :D

    ReplyDelete
  3. I miss my stationery days with pakapin pahumot pajud sa papel ug please "response" asap. Hahaha. I have one big box of handwritten letters from friends, family, and others (lol) as early as grade 3 and I still keep them till now. Lahi ra jud ang love letter na papel.

    ReplyDelete
  4. Naa gyud koy usa ka kaban ug mga handwritten letters gikan sa akong family and friends. Lahi ra jud ang feeling oy kung makadawat ug letter. hehe.

    Nag huna-huna pa ko kung muapil ba ko ani nga contest ay. Kay kang kinsa man pud nako i-dedicate akong letter intawon uy. LOL

    ReplyDelete
  5. Mosowat ko or dili? Hahaha! Kung makadaog ko, wala man koy ikadate (charrr) so dili nalang ko mosuwat ;) :D

    ReplyDelete
  6. OMG! I always find (and still, and will always do) love letters romantic and murag diha jud ma pour tanan emotions gud plus it's the effort pod sa pag make ug love letter with all the decoration/design with it! Nindot ni nga way pag revive sa hapit na mawala nga art of expressing love through love letters da!

    ReplyDelete
  7. I saw the winner's letter of the Marco Polo contest and it was goooood! They definitely deserve it.

    ReplyDelete
  8. Para nako nuh, dili man sa ingon na nalimntan na ang importance sa communication tungod aning mga bag-o nga innovations sa technology. The way I see it, murag lang siyag ni evolve. Igo lang ta nga ni adapt sa kung unsa na ang naa karon. Pero ang essence sa communication is basically still there ra gihapon, which is ang pakig connect sa taw nga gusto nimo istoryahon. Ang style lang siguro sa pag deliver ang nausab.

    ReplyDelete
  9. Nganong wala ka nagpadala og love letter sa Marco Polo? Daog unta ta. Charot. Hahahaha.

    ReplyDelete
  10. Lahi ra gyud ang love letter uy. Suwayi gud hahahha... Di ba happy sad ka makadaway ug love letter bisag gikan sa dili nimo ganahan?

    ReplyDelete
  11. Lahi ra ang epektu kung padalhan kag love letter. Weird lang usahay kung gikan sa dili nimo ganahan labi na ug medyo agressive ra kaayo. Pero yeah, the thought the gihaugaan ug sulat, ug dili pinaagi sa text or chat, kay enough na kaayo na rason na maka smile ka.

    ReplyDelete
  12. Lahi ra ang epektu kung padalhan kag love letter. Weird lang usahay kung gikan sa dili nimo ganahan labi na ug medyo agressive ra kaayo. Pero yeah, the thought the gihaugaan ug sulat, ug dili pinaagi sa text or chat, kay enough na kaayo na rason na maka smile ka.

    ReplyDelete
  13. Sa tinuod lang, kusog kaayo ko tigsulat ug love letter atong highschool ug college, katong lahi pa akong uyab LOL. Pero kadugayan, napul-an ko kay ako ra ang tigsuwat, walay ayo. Hahaha. Gimingaw na hinuon kog cheesy2 nga love letter dah. <3

    Although ok ra diay nga di ko kadawat kay basin ma turn off ra ko sa mga wrong spelling ug wrong grammar. Hahahaha!

    ReplyDelete

Post a Comment

Popular Posts