Okay Ra Nga Una Mong Mu-graduate Karong Marso


Buwan na usab sa Marso. Aside sa gikonsiderar kini sa uban nga International Women’s Month ug Fire Prevention Month, buwan sab kini nga ang mga estudyante, mapa-elementarya, high school, o sa kolehiyo man, nga makabati og roller coaster of emotions. Maglibog nalang mi kung unsa ang bation: malipay ba mi kay hapit na bakasyon o maghilak kay mura og wala na’y kaugmaon ang hagbungunon nga grado sa usa minor subject. Karong buwan usab stressed   jud kaayo mu tungod sa final exams ug projects, nabwisit tungod sa daghan kaayong sugo sa mga maestra aron ang ilang clearance mapirmahan, ug labaw sa tanan, mura og maglutaw sa panganod sa kalipay kay kami mang-gradwar na. Yehey!

Apan....

Sakto, naa gyu’y dakong apan!

Nagtungha man ko sa Unibersidad sa Pilipinas (UP). Kini nagpasabot nga akong graduation ma-delay pa sa Marso! Pagkapakyas naman lang gyud sa among kinabuhi. Nabalhin man gud ni tungod sa internationalization sa mga tunghaan sa mga nasud nga apil sa Association of Southeast Asian Nations (ASEAN) integration. Kuyog pud sa UP ang Ateneo, La Salle, ug dindi gani sa Sugbo, ang University of San Carlos nga mu-implementar na sa academic calendar shift karong Agosto. Tuod man, una lang gyung nausab ang among kalendaryo, apan ang ubang mga eskwelahan musunod na usab ani nga patakaran in the near future.

Mao nga bisan pa ganahan naming mag-usab sa among profile pictures into graduation pictures, wala mi mabuhat kay intawon naglisud pa man gani mi sa midterm exams. Kung ang among ka-batch nag-hinay-hinay na og plano kung asa sila mag-summer vacation, kami intawon mura na og mga lechon nga giasal sa kainit. Labaw sa tanan, kung ang among mga ka-batch nagsige na og hatag sa ilang resume aron sila makakita na og trabaho, kami intawon naghandum kung unsa pa ang kulang sa among thesis aron mubilib sab intawon ang among mga panelists.

In-ani lang sa ang atong graduation photo

Daghan-daghan na usab kong naka-esturya nga nahugyaw ning maong kamatuoran. Luoy kaayo mi kay mugbo kaayo ang among bakasyon. Imbes man gud nga mag-sembreak mi inig Oktubre, magklase naman mi. Ang mga manguliay og probinisiya sa panahon sa kalag-kalag magduha-duha nalang kay mas maayo pa nga magtuon nalang sila. Kung sa panultihon pa sa mga millenials, there is no point of going home.

Basin daw kuno maglisud mi og apas sa ubang mga nag-una og graduate kay wala nami ma-applyan og trabaho kung panahon na usab namong mugradwar. Basin daw kapuyon nami mangita og trabaho kay sugod na ra ba sa ting-ulan.

Aduna pu’y uban nga nag-ingon nga mas maayo sab daw kuno nga nausab ang among kalendaryo kay mas daghan kuno ming oras para magbuhat sa thesis. Ang panahon usab ang rason sa uban. Mas maayo pud kuno nga kainit ang among gitagamtam kaysa sa maglangoy sa mga baha sa Hunyo ug Hulyo, which is not true kay mag-uwan gihapon ang ubang mga buwan.

Nasuya ba mi nga mang-gradwar og Hunyo? Basin? Siguro? Depende gyud na sa mindset sa mga tawo. Matod pa sa ilhado gyud nga panultihon, ang baso kuno kay pwede mahimong half full or half empty. Depende nalang gyud na sa estudyante kung himuon ni niyang opportunity o threat.

Application for Graduation!

Para nako, wala man siguro’y angay ikahadlok. Dili lang gyud siguro mi makalangoy-langoy sa dagat kay naa mi naglangoy sa mga projects nga gihatag sa strikta namong maestra, apan wala kini nagpasabot nga mas ubos ming mga tawo. Base pa man gani sa nakat-unan sa akong Management nga klase, daghan gyud kaayong tan-awon ang mga HR professionals sa usa ka aplikante una nila kini i-hire. Matod pa man gani sa uban, dili na kuno kaayo mu-matter kung asa nigradwar ang usa ka estudyante kay skills-based naman ang mga industriya karon.

Ang mga mang-gradwar usab og Hunyo dili sab hinuon pwede manghambog sa international school sila nahuman og eskwela tungod lang sa pag-usab sa usa ka kalendaryo. Sa ako pang gisulti ganina, daghan na kaayong mga factors ang tan-awon una kita masulod sa trabaho. Pareho naman lang gani ta sa uban. Ang nakalahi lang kay ang pangalan sa eskwelahan.

Huna-hunaon nato nga kinahanglan gihapon tang maninguha sa atong pagtungha kanus-a man kita mugradwar. Acquire the skills nga kinahanglan sa industriya. Dili kita mu-settle sa minimum lang. Kinahanglan pa man gani siguro tang mu-overdeliver aron mas malipay silang boss.

Sa akong mga kaila nga mang-gradwar karong Marso, welcome to reality kuno matod pa sa mga nag-overtime nga underpaid nga mamumuo. Joke ra bitaw. Hinaut sab nga makakita mo og trabaho nga niangay sa inyong gihuman sa tunghaan. Pa-cheeseburger naman kayo inig human sa unang sweldo. Musunod ra mi ninyo!

Sa pagkakaron, humnon sa namo ang among thesis.

Thesis. Char.


Naning kaayo tan-awon sa? Galibog bitaw ko unsa ang buhaton.

Comments

  1. Hmmm, although ma excite jud ta maghuna2x na mu graduate na unta, ok ra japun. Di man sad bitaw ni paunahay. And I think di raka mahutdan ug trabaho. Haha. Proper mindset ra gyud nakalahi. Gogogo good luck sa thesis!

    ReplyDelete
  2. Congrats in advance daan! Savor your last few months of being a student :)

    ReplyDelete
  3. I would totally agree. The school and awards don't matter. Attitude is always on top when it comes to applying a job. Ug ayaw kabalaka, dghaaaan kaayog hiring sa panahon karon. So dili ramo mahutdan. :)

    ReplyDelete
  4. Congrats in advance! Dili race ang pag skwela so take your time and learn! :)

    ReplyDelete
  5. It's just a matter of how you perceive things. Mindset. I agree that dili jud ni paunhanay. Sa akong time kay na extend pod ko atong mga panahona ug usa ka sem kay lage wa kaapas sa deadline and I felt like it was the end of the world. Grabe ang ka suya nako ato ug ka guol pod nga halos mauwaw nako muatubang sa akong ginikanan. But that's life. To think, it was just a bad experience, but that doesn't mean we've got a bad life. So go lang ng go! Haha :)

    ReplyDelete
    Replies
    1. ayaw paninuod diha kat... makahilak man sad ta ana :(

      Delete
  6. Life was never a race to begin with.
    Choose your own path. Take your own pace.

    Don't chase opportunities. Excel and let opportunities chase you.

    Walay unhanay sa pag graduate man. Enjoy and keep learning.
    Unless if nag apas ka ug requirement sa
    scholarship or something nga dapat maka graduate ka within the given number of years.

    ReplyDelete
  7. Enjoy the last days of your college life, MJ! Work life will be way different than that. :)

    ReplyDelete
  8. Naa koy close sauna na taw nga naka-agi pod og ingon ana. Dako kaayo to na paglisud ato nga panahon, pero you learn na there is more to life pa gyud. Up to the point na inig abot sa professional na nga life kay mura magpangita nalang ka ato balik. Haha.

    Sakto ka nga di na angay ikahadlok, ug di sad angay ika-uwaw. Basta kay kahibaw kas imong kaugalingon na naningkamot gyud kag maayo, you should learn to be proud na ana. :)

    ReplyDelete
  9. After graduating from college, I actually realized how I learned a lot of rubbish in school but more in real life. Hahaha! So it doesn't matter if we graduate in March or sa laing bulan. :-)

    ReplyDelete
  10. yes, agree gyud kong Shanky. Sakit man dawaton pero tinuod na ang atong nakat-unan sa academe maka ingon ka na ang uban wala gyuy gamit kung anaa na kita sa corporate world. lahi ra gyud ang atong makat-onan sa gawas sa school. Adulting is difficult, so enjoy mentras student pa. let the future worry itself.
    Bitaw, ayaw kabalaka kay di lagi mo mahutdan ug opportunity nga makatrabaho. Daghan pa kayo nagpaabot kaninyo. Ayaw lang gud pagdali. Everything will fall into place at the right time.

    ReplyDelete
  11. Sige lang bay kaya ra lagi na mi. Naa ra mi diri kon kinahanglan ka og tabang. Hahahhaha

    ReplyDelete

Post a Comment

Popular Posts