Kinsa Ang Mudili Sa Carcar Lechon?

Bag-o ra natapos ang Lechon Wars, ug daghan gyud kaayong nag-ingon nga usa sa pinakalami nga lechon sa Sugbo mao ang lechon gikan sa Carcar. Paghuna-huna pa lang niini, naglaway naman intawon ko uy! Aron mahibaw-an gyud nako kung tinuod ni ang mga gipang-ingon sa mga netizens, niadto gyud ko sa Carcar aron lang matilawan ang ilang inila nga lechon! Dato kay paminawon, di ba jumega? Salamat nalang sa akong Mama ug Lolo kay sila ang ga-sponsor ani nga trip. Charot kaayo uy!


Una nimo kini matilawan, kinahanglan nimong muadto sa public market sa lungsod. Dili gyud ka masaag kung imo kining pangitaon kay duol ra gyud si landmark nga Carcar rotonda, like few steps away ra gyud. Kung padulong ka sa Southern part sa Cebu, maagian gyud ni nimo sila. No worries gyud kaayo!


Hinay-hinay lang og lakaw kay naa ra ba’y pagkalapok ang ilang merkado, like what would you expect sa mga wet market. Kung mangutana man ka og asa nahimutang ang lechonan, tanan nimong mapangutan-an muingon nga mudiritso lang sa tunga. Tanan pung agianan didto kay mudiritso sa lechonan. Bongga kaayo, jumega!


Inig abot nimo sa lechonan dapit, daghan sad kaayo kang makit-an nga uban pang mga baligya. Ang ilang puso is just wow! Dagko kaayo niya barato pa gyud. Lami kaayong ipares sa lechon nga imong ganahang paliton! Mamahimo sad kang mupalit og tinap-anan didto. Lami ra ba kaayo ni sila dal-on labi na kung maligo mo og dagat! Sugod na ra ba ang summer! Kinahanglang kahibalo ta kung asa makakita og lamian nga pagkaon nga “pang-beach” gyud kaayo. Naa ba na jumega? Charot! Mao man gud na ang among dal-on kung mangaligo mi og dagat. Nahimo nalang na nga traditional food sa among mga laag.




Zoom in dayon ta sa atong tuyo sa atong laag, ang lechonan! Nalipay gyud ang inner foodie ug patay-gutom nako! Sa kadaghan bang mga naglinya nga mga namaligya og lechon, heaven gyud kaayo ni siya sa mga tawo nga gipang-gutom! Wow! Ang baho pa lang sa lechon makagutom gyud! Mura og ganahan gyud nakong pulihan ang mga naghiwa sa lechon kay dugay kaayo! Joke. Dili ko uy. Masamad pa lang ko!




(Tip: Make sure nga i-check ninyo ang timbangan kung wala ba kini sulod. Naa man gu’y ubang mamaligyaay nga tikasan. Uwaw kaayo sa? Mga mangingilad! Pareho sa atong jumega nga mangawatay og uyab! Naa man gud uban nga butangan og dili fresh nga baboy. Wala na nuon lami. Sayang ang wawarts.


Usa pa, ingna si jumega nga nag-serve sa lechon nga dili butangan og sauce ang lechon kay mao man kini ang hinungdan nga dali kining mapan-os.)


Plus points kaayo ang ilang lechon kay barato man! Php 320 ra ang kilo kumpara sa mga lechonan nga naa sa dakbayan nga muabot sa Php 600 ang presyo. Hayahay kaayo ang bulsa pagkahuman. Naa pa’y budget pang-rice!


Nangutana mi sa tindera kung asa mi pwede kakaon. Buotan ra sad kaayo ang mga karinderya nga naa duol sa lechonan kay pwede gyud ka mukaon didto. Palit lang gyud og rice ug ginagmay nga sud-an isip courtesy and respect nila. Charot pa kaayo sila kay nagpahuwam pa sila og butanganan sa lechon! Bongga kaayo!


And the moment that we are waiting for.... Yum!



Kinsa man gud ang mudili sa crispy ug pula gyud kaayo nga panit sa baboy ug humok ug sakto sa timpla nga unod. Kung nangita ka og lechon nga wala’y MSG, dili naka kinahanglan muadto og layong lugar kay naa na sa Carcar! Balanse ra gyud kaayo ang timpla. Dili kaayo parat. Dili sad kaayo mantikaon. Sakto ra gyud kaayo nga amo ni siyang gipares sa Luis Chicharon!


Ang problema lang, daghan kaayong gibutang nga gulay-gulay si jumega nga nag-serve sa lechon. Mao siguro ni ang nagdala og bug-at sa timbangan. Pashnea kaayo sa? Usa pa, daghan sad kaayong sabaw ang lechon. Mura naman hinuon to og paksiw ang among napalit. Wala siguro’y salig si Ate sa iyang timpla.


In general, aprub gyud kaayo ang Carcar lechon! Busog gud kaayo ang akong mga jumega nga akong gidala! Liman ka og mudili nalang sila sa kan-on tungod sa kabusog. Wew!


Kung nangita naman gyud ka og lechon nga mao’y nagp-representar sa Sugbo, ayaw pagduha-duha og adto sa Carcar! Dili gyud ka magmahay sa lechon nga ilang idalit didto.

Kung tapulan ka nga mubiyahe og layo, well, mamahimo sad nimong sulayan og adto ang Talisay ug Jai Alai aron matilawan nimo ang mga lechon nga makaingon gyud kang atoang mga Bisaya! Balik ta didto na?


Comments

  1. YES! Lechon jud sa Carcar. Manghatag pa jud ug free taste! Amazing.

    ReplyDelete
  2. ang panit!!!! *crunch* *crunch* *crunch*
    Dili gyud ni mawala ang lechon kada pyesta sa amo sa car-car kay pwerteng doola rapud sa merkado igo ra lakwon.

    ReplyDelete
  3. Pagka-lami na man lang jud tan-awon sa crispy nga panit sa lechon uy! Gi-unsa jud kaha ni nila pagtimpla sah nga dumugon man jud sa mga taw? Sakto sad nga nahimo na siyang murag staple food every time naay mga outing sa barkada or pamilya. Kani or ang lechon manok kay dili jud mawala sa lamesa, labi na ug beach outing.

    ReplyDelete
  4. Ako di gyud ko modili ani pero mas lami sya kan-on dayun. Kasagaran, moadto mi sa karenderia sa mercado para among birahan ang lechon. Nindot sad gyud ni balunan padulong sa dagat.

    ReplyDelete
  5. Pashnea jud kayong mga dahon2x noh? hahaha! wala pako katilaw ug lechon sa Carcar! waahahaha

    ReplyDelete
  6. Huhu kalami sa lechon!!!!!!!! Pero di sad ko palabot anang daghan gulay2x ug sabaw. Haha pwede kanang normal lechon lang. Lol

    ReplyDelete
  7. Aguy! Kalami bitaw sa Lechon diha sa Carcar! Ganahan ko mubalik sa Carcar para lang mukaon ug lechon ay. Hahahaha

    ReplyDelete
  8. Ang free taste lamian nga lechon sa carcar pwede na nako masud-an. Magdala ra kog puso, then free taste store per store. Oh diva!

    ReplyDelete
  9. Lamia sa crunchy nga panit sa lechon uy. Lami gyud anglechon sa Carcar. Usually mao gyud na amo paliton esp mag outing padung sa south. Sa Carcar gyud dayon mi mo hapit para palit ug lamian nga lechon.

    ReplyDelete
  10. Usahay modili ko sa lechon kay pirme na lang. Haha. Pero lami gyod ang lechon sa Carcar!

    ReplyDelete
  11. Lahi ra gyud ang lechon nga gikan mismos Carcar oy! Mao ni usa sa gusto gyud unta namo i-apil kato paghimo sa Lechon Wars na video pero unsaon ta man, layoa sad sa Carcar adtuon oy. Hahaha. Taod2 napod ko wa makatilaw ug lechon nga gikan gyud ngadto, pero makahinumdum gyud gihapon kos kalami!

    ReplyDelete

Post a Comment

Popular Posts