Pagka-init Naman Lang Gyud! Pabugnaw 'Ta Sa Sayaw Beach Sa Barili!



Bisan unsaon nako og likay ug deny, makasapot na ang sige og panguhit sa summer vacation. Unsaon ta man, nag-atubang pa man intawon ko ron og gazillon amount of paperworks. Charot. Naglibog na man gani ko unsaon paghuman ning akong thesis, marketing case analyses, public information campaign alang sa Cebu Provincial Disaster Risk Reduction and Management Office, pagtubag sa take home exam sa akong Rizal nga klase, ug labaw sa tanan, pagkat-on ug Nihongo aron intawon ang akong maestra ma-proud sad intawon nako. Pastilan naman lang pagkadaghan ko naman gyung giatiman sa eskwelahan. Wala pa'y labot ang mga extra kuri-kuri nako sa gawas sa eskwelahan.

But here I am, nagsige lang og suroy-suroy as part of my 21st birthday celebration. Debutante na gyud intawon ang inyong jumega. Mao diay akong inahan nigasto intawon alang niini. Liman ba ka nga sa pipila ka tuig nga naa ko sa eskwelahan, karon ra gyud siya nihatag og oras (ug dakong kwarta) alang sa akong adlaw'ng natawhan. Kani gyud akong inahan... love gyud ko niya. Gihigugma sad nako siya. Charot.

Mao ni. Tungod kay part man ni siya sa akong birthday celebration, dad-on ta mo sa usa sa mga inilang tourist destination sa akong hometown. Tour guide lang ang peg? Mangadto ta sa Barili! Matod pa sa atong jumega nga si Wikipedia, kini siya kay usa ka 2nd class municipality sa probinsiya sa Sugbo. Nahimutang sad ni siya 61 ka kilometro sa habagatang bahin sa Sugbo. Tupad niini ang mga munisipalidad sa Dumanjug, Alonguinsan, Carcar, ug Sibonga. Kilid niini ang Tañon Strait. Tungod siguro niana nindot kaayo ang dagat sa Barili, like no bias talaga. Usa sa labing nindot nga dagat nga akong naadtuan sukad pa sauna mao ang Sayaw Beach. Makasiguro gyud ta nga gi-maintain gyud ni pag-maayo tungod kay usa ka inilang political family ang nanag-iya ning maong beach resort. Magpakauwaw naman guro ni sila kung bati kaayo ilang pamalakad ning maong lugar. Mapareho siguro sa ilang reputasyon nga duha-duhaan ba. Naunsa naman ni uy? Charot.

Gikan sa Sugbo, pwede ka musakay og Ceres bus sa Cebu South Bus Terminal o van nga manukad sa GT express terminal dapit sa Kamagayan ug mupliti og mga Php 100. It is really up to you kay ang importante makaabot ka sa destinasyon nga safe and sound matod pa sa kanta ni Taylor Swift. Charot. Mao ni kung naa nakay dala nga mga pagkaon gikan sa dakbayan.

(Disclaimer: Wala koy hulagway nga nanukad gikan sa terminal kay kuyog ra man mi ni Papa sakay og multicab padulong uli. Charot)

Kung wala kay dala nga panulak, pwede ra ka munaog sa Shamrock ug sakay og traysikad padulong sa merkado. Makapalit ka sa merkado og puso, lechon (depende sa adlaw, mas maayo nga weekends aron sureness nga naa'y lechon), lamian ug presko nga tinap-anan, baboy para sugbaon, ug uban pa.

(Disclaimer [again]: Wala koy hulagway nga nangumpra kay silang Mama man gud. Nagbantay ra ko sa sakyanan. Charot [again].)

Inig human nimo og pangumpra, pwede ra gyud ka musakay og jeep padulong Dumanjug (pliti kay Php 10), tricycle (pliti kay pareho sa jeep), o habal-habal (pliti kay Php 20).

Niya, mao na dayon ni siya. I will just show it you para katuohan.


Hinay-hinay lang og dulhog ha? Basin niya og maunsa mo. Ako niya inyong pasanginlan. Charot.


Inig sulod nimo, you need to pay entrance fee, parking fee, and cottage (if ganahan mo). Ang nahitabo sa amoa, kay timawa man mi, wala nami nikuha og cottage. Sa sakyanan nalang mi nag-stay. Alas 4 sa hapon naman sad mi naabot, maong dili na kaayo init ug wala naa kaayo'y tawo. Perfect!


Introducing my awesome family! Model ra bitaw na sila sa akong point nga giingon ganina. Wala mi nag-cottage kay mahal, so kung naa mo'y sakyanan, payts ra gyud nga didto mo mag-stay.


Dako sad bitaw kaayo sila og parking space so dili gyud mo maghuot if magdala ka og laing jumega.




Kung ganahan ka mag-cottage, go. Okay ra gyud kaayo! Daghan-daghan sad ka og kapilian!


Lami kaayo ang among pagkaon! Tunga sa kilo nga lechon (Php 190), tinap-anan (Php 100), achara (Php 20), ug puso (balig Php 40). Busog na kaayo mi ana. All of those are available sa among merkado!


Kung gitapol mo og naog sa merkado, worry no more! Naa'y gamay nga tindahan nga within the vicinity nga pwede nimong palitan og pagkaon. Ayaw lang gyud katingala nga mahal-mahal ni siya.


Sa mga dili kahibalo mulangoy, naa kaayo ang inyong lifesaver! Pwede ra mo murenta as low as Php 30.


Nangita og lingaw sa dagat aside sa paglangoy-langoy? Pwede kaayo kang muhulog og singko ning maong videoke stand! Pwede gyud kaayong mukanta og Laklak nagtagay.


Daghan gyud kaayong fluid intake magtagay, mao nga kung conservative pa kang mangihi sa dagat, pwede ra gyud kang mangihi sa ilang CR. Make sure lang nga daghan kang dala nga sinsilyo kay saputon ra ba ang ilang caretaker. Shudi abas, jumega!

Niya dugay kaayo ko gabutang og pictures sa dagat sa? Gituyo nako na. Bitaw, tan-awa ni ang mga sunod nga mga hulagway! Let the images speak for itself.




Kung ganahan sad ka mag-pictorial aron ingnon nga naa gyud sa dagat, daghan sad kaayo silang bangka nga pwede nimo himuong background sa imong selfies.




Nindot sad kaayo ang dagat labi na kung hapon. Because, you know, sunrise.






(Unsa man gyud na ang sige og tudlo sa akong manghod? Ang adlaw? Iyahang crush? Akong will to live? Nobody knows!)




Kung nag-wonder mo unsa nga klase sa yuta ang naa didto, well... (Excuse ra gud ni para sa #Selfeet)


Be an environmental warrior sad!

Mao na ni siya. Hapit na mahuman ang akong 21st birthday celebration. Hinaut unta nga magkuyog ta dinhi puhon. Or ikaw lang. Hinumdumi lang nga makagaba ang greedy nga tawo. Charot!

But first, lemme take a selfie!



Comments

  1. Wala pa ko naka explore gyud sa Barili. Hopefully, maka bisita ko dinhi puhon. :)

    ReplyDelete
  2. Wa man ka nagsaba nga nag debut na diay ka jumega? Hahahaha! Never been here pa. Basta ako mahinumduman sa Barili kay ang bakeshop sa akong uncle, Kawasan falls, og kanang dagat atbang sa Kawasan Falls. At least now, naa nakoy lain nahibaw-an sa Barili tungod nimo. Thanks Mauricio!

    ReplyDelete
  3. Karon pako naa diay beach sa Barili. Anyway, ana jud na! dapat naa kay time mag-unwind amidst very busy life samot na kay birthday pa nimo. Belated Happy birthday!

    ReplyDelete
  4. Solve najud ko anang dagata basta limpyo lang ug dili baho. Haha. Wala pa ko kalaag sa Barili. Makita ra jud nako na xa sa mga signage sa Ceres. Hopefully ang sunod na laag maabot ko sa Barili. :)

    ReplyDelete
  5. Nakadungog nakog naay beach pero dili kaayo siya sikat. Kung maka anha ko akoa jud suliton. Manghinaut ko nga limpyo ug tin-aw ang dagat. Kay if mao man gani, gorabells...

    ReplyDelete
  6. I've been to Barili several times when I was in college kay akong classmate taga ddto and mangagda jud na sya most of the time nga mangadto mi iya nga classmates. Peroooo wala pajud mi kaligo ug dagat ddto hahahahaha kato rang swimming pools nila ddto.

    ReplyDelete
  7. Pirmi ra gyud ni nako maagi-an na beach ig uli nako sa amo. Silingan ra ni sa among lungsod. Apan dili kaayo ko ganahan ani nga beach sa tinud-anay lang pero daghan gihapon ang manganha diha man.
    Enjoy ra sad sila.

    ReplyDelete
  8. Murag nindot ni diria dah, barato pa jud. mayta makalaag-laag na sad kog balik oi.

    ReplyDelete
  9. Kapila nako nakabalik og Barili kay naa koy classmate sauna sa college taga-didto pero falls ug pool ra gyud mi pirmi taman. Hahaha. Sige rag plano mangadtos dagat pero wa gyud nadayun. Nindot man pod ilang dagat diay oy.

    ReplyDelete

Post a Comment

Popular Posts