Let's Do Business Online sa e-Commerce Entrrepreneurs Summit

Kinsa naman lang ang wala sa internet karon? Ang atong mga Lolo ug Lola (except sa uban nga techie man gihapon) maglisud na og sabot kung unsa ang gamit ning internet. Ang Facebook para nila kay libro. Ang Twitter kay mao ang tingog sa langgam nga naa sa kalasangan. Ang Instagram? Mura man og unit of measurement sa gibug-aton.

Usa sa mga main features sa internet mao ang social networking sites sama lamang sa mga websites nga anaa na sa ibabaw. Kining maong mga websites usa ka pamaagi aron mahimong mas gamay atong kalibutan. Naa imong Papa sa gawas sa nasud? Sauna kay maghuwat pa ka og pila ka buwan una pa niya madawat ang imong sulat pangumusta kaniya. Karon, sa usa nalang ka-click sa button, mura naman lang gyud og anaa sa imong tupad ang imong mga hinigugma.

Apan karon, dili lamang pag-connect imong mga loved ones ang pwede nimong mahimong buhaton sa social networking sites. Kung ikaw usa ka businessman, labi na sa usa ka Micro, Small, and Medium Enterprise (MSME), gamit gyud kaayo ang internet, labi na ang social networking sites, aron mas mulambo pa ang imong negosyo.

Ang e-Commerce Entrrepreneurs Summit gipahigayon sa Diamond Suites Hotel kaniadtong January 14. Matod pa sa i-Metrics Asia Pacific Corporation, ang E-Commerce Intensity Index sa Pilipinas kay 7% to 13% sa atong gross domestic product (as of March 2015). Kini nagpasabot nga dako kaayo og epekto ang e-Commerce sa atong ekonomiya. Kinahanglan natong i-apply ang mga principles behind biggest e-Commerce companies sa nasud aron ang atong mga negosyo mulambo usab.

Ang mga topics nga gipanghisgutan mao ang:

• Boosting MSMEs Competitiveness in Business & e-Commerce ni Maria Elena Arbon, DTI Provincial Director
• State of E-Commerce in the Philippines
• ni Dr. Nick Fontanilla, i-Metrics Asia-Pacific Corp.
• Building a Nationwide E-Commerce Logistics & Last Mile Delivery Network (A Framework)
• ni Achilles Reyes, CheckMeOut
• Future of Marketplaces ni Monica Jane Roldan, Save N' Earn Wireless
• Guide to Cross-Boarder B2B e-Commerce Payments and Escrow ni Miguel Warren, Payoneer
• B2B E-Commerce for MSMEs - Getting Buyers Online ni Christopher Guarin, PhilYES
• State of Freelancing in the Philippines
• ni Genesis Reonico, Online Jobs University
• Advance E-Commerce Marketing Strategies nilang Mannix Pabalan of Hashtag Digital, Jun Baranggan of PTB Digital Hub, ug Fleire Castro of Third Team Media
• E-Commerce Startup/MSME Presentations

DTI Provincial Director Maria Elena Arbon 

Ang 2017 usa ka exciting nga panahon alang sa Philippines E-Commerce scene tungod sa mga tawo nga andam mupadayag sa ilang mga nahibaw-an kabahin ning maong industriya. Mapa- e-commerce industry players to work on cross-border e-commerce man, kining maong event naghatag sa mga negosyanteng Pilipino og kahigayunan nga mubaligya sa ilang produkto sa international scene gamit ang local marketplaces isip enablers.

Niadtong 2016, ang Department of Trade and Industry (DTI) naglunsad og aggressive e-commerce advocacy human kini mipagawas sa Philippines E-Commerce Roadmap (2016-2020). Tungod niini, gi-push ang MSMEs nga magnegosyo online. Ilang target nga makakuha og 100,000 ka mga negosyo inig 2020.

Kining maong target mag-mobilize sa mga government agencies sa pagtarung sa Internet infrastructure ug pagpasayon sa pagsugod og negosyo. Ang private sector e-commerce stakeholders aktibo usab sa pakigkuyog sa gobiyerno aron makuha ang ilang target.

Tuod man, kining e-Commerce Entrrepreneurs Summit nahimong usa ka important forum nga naghisgot sa mga kalambuan ning maong industriya. Sa gamay lang nga oras, ang mga participants daghan gyud kaayo og nakat-unan.