Sugbuanong Huni sa VISPOP 5.0

Hulagway gikan sa VISPOP Facebook Page

Every year
, magsige gyud ta og hulat og unsa ang mga bag-ong mga kanta nga mao na sa'y mutatak sa atong alimpatakan. Gikan man kini sa Hollywood o sa kauluhan, ang tunes and rhythms nga duyog ning maong mga kanta maghatag gyud og diverse forms of emotions sa atoa. Mapa-pop, rock, RnB, bisan pa traditional kaayo ang tono, mura ba og naa'y sense of relaxation everytime maminaw ta ani nila.


Sauna, mura ba og gasalig nalang kita sa mga ipang-release nga mga kanta gikan sa kauluhan. Usahay man gani, maglisud na kita og relate kay tungod, sad to say, lahi ra gyud kaayo ta og kutura didto. Naa'y mga butang nga ang taga-Luzon ra ang makasabot. Naa sa'y mga Bisdak ra ang magsinabtanay. Naa naman gani stereotype karon nga lahi ra kaayo ang Bisaya humor. Sad but true. Hahay.

Tuod man, dinhi sa VisMin area, naa na'y musika gipang-produce ang mga local artists. Ang mga pangalang Max Surban, Dulce, og Yoyoy Villame gikonsiderar nga mga household names, ang uban gani nag-ingon nga sila mga musical legends, dili lang dinhi sa Kabisay-an, lakip na usab sa kauluhan. Ang ilang mga kanta nahimong mga ritmo sa ilang panahon kaniadto. 

Nisunod og kasikat ang Bisrock. Nigawas pag-2000s, mao ni ang mga maoy nga kanta nga migitik sa kasing-kasing sa kabataan kaniadto. Kinsa man ang makalimot sa mga awit nga Principal, Chinita, Liar Evil Ka, Bisan Pa,  ug uban pang mga huni sa mga Bisrock bands sama sa Missing Filemon (nga bag-o lang nga-release sa ilang labing bag-ong single), Aggressive Audio, The Ambassadors, ug Junior Kilat? Nagpamatuod gyud kini nga ang Binisayang kanta pwede man gyud diay natong madunggan sa mga radyo. Nice, 'di ba?

Mao lagi ni. Sa matag panahon nga kita naa sa taas, naa gyu'y panahon nga mubaliktad ang mga butang-butang. Pipila ka tuig sad to silang naa sa kahanginan, apan sa nilabay nga mga tuig, daw lahi naman ang imahe nga nigawas sa Bisrock. Naa'y uban nga mura naman og law-ay ug wala'y sense ang mga awit. Mura ba nagbuhat naman lang musika for the sake nga nagbuhat sila. Ang uban gani kay mabuang nalang ka's ka-baduy. Matud pa sa mga kabataan karon, wala man intawon ni-effort uy!

Lima ka tuig ang nilabay, aduna'y musical revolution nga nahitabo sa atong local music scene. Lima ka tuig nasad ni sila og hatag og mga nindot nga huni natong mga Bisdak. Lima katuig ang nilabay nahimugso ang VISPOP. Ug karon, anaa na sila sa ilang ikalima ka tuig sa pagpakita sa abilidad sa musikerong Bisaya!

Ang Visayan Pop Songwriting Campaign, otherwise known as “VISPOP”, kay usa ka nationwide songwriting competition sa orihinal nga Cebuano popular music nga gisugdan sa Artist and Musicians Marketing Cooperative (ARTIST KO) kauban ang Filipino Society of Composers, Authors and Publishers (FILSCAP).

Ang VISPOP dili lang usa ka songwriting contest. Usa kini ka songwriting campaign nga naghandum nga maghatag og mas professional ug competitive playlist sa mga Sugbuanong kanta sa mga radyo.


Ang challenge sa VISPOP sa mga Cebuano songwriters mao ang pagsulat sa mga kanta nga makasulod sa mainstream radio airplay; mga kanta nga nindot ug duot sa kasing-kasing; ug labaw sa tanan, haum sa mission and vision sa VISPOP.

Basically, just good Cebuano music we can all be proud of.

Dili tanang Bisdak bastos. Dili sad tanang Bisdak kinaraan.

Labaw sa tanan, ang Bisdak dili gyud barat ug bakya. Hinono-a, ang Bisdak pilian ug pihikan sa iyang gusto.

Mao kini ang previous winners sa VISPOP:

VISPOP 1.0: Duyog

Written by Jewel DelRio Villaflores​ and Joe Edward DelRio Villaflores​


VISPOP 2.0: Labyu Langga

Words and music by Jerika Teodorico


Vispop 3.0: Buwag Balik

Written and performed by Lourdes May Maglinte


Vispop 4.0: Paghunas

Performed by Jayneil Enriquez and Joseph Gara




Karong Vispop 5.0, kinsa nasad kaha ang mugitik sa atong mga kasing-kasing?

Karon, giawhag ang tanan nga mga songwriters sa pag-apil sa fifth installment ning maong competition. Alang sa dugang nga mga detalye, bisitaha ang ilang Facebook page. Kung excited na gyud ka og ganahan ka og basis sa ilang guidelines, mamahimo sab ni nimong i-check ang guidelines dinhi ug mga requirements dinhi.

Unsa pa man ang atong gihulat? Ato nang suportahan ang musikang Binisaya. Bisayaa, uy!

You Might Also Like

0 comments

HIT LIKE!